World ki Sabse badi email service Gmail ish baar fir ek new feature apne add kiya hai. Jissey Gmail ka use krna aur bhi easy aur secure ho jaayega. Agar aap mail bhejne ya receive karne ke liye gmail ka use karte hain to ye khabar aapke kaam ki hai. Ish post me hum aapko batayenge Gmail Confidential Mode kya hai aur ishka use kaise karna hai.

Jaisa ki aap jante hain, Gmail ne apne new updation me ‘Snooze Email’ feature ko bhi diya hai jiski help se user ko baad ki date me miley email receive honge. Ishke saaath hi ‘Smart Reply’ ka bhi feature launch kiya gaya hai. Jisme New Mail receive hone ke baad aapko three quick reply ka suggestion aapke mail par aata hai.

In sab ke saath jo sabse best feature gmail ne launch kiya hai wo hai ‘Confidential Mode’. Ish mode ki help se sender kisi secret mail ko bhej kar uski expiry date set kar sakta hai, taaki ush email ko puri trah se wapas liya jaa sake. Iske maadhyam se aap apne email ko passcode laga ka protect bhi kar sakte hain.

Gmail Me Confidendential Mode aapke email ko gopniya rakhta hai. Iska use karna bhi behad aasan hai. Gmail Confidential Mode ka use karna behad saral hai. Aam taur par aap jaise email compose karte hain bus yanha bhi aapko wahi karna hai. Aaiye ab jaante hain ki desktop ya Mobile App me Gmail Confidential Mode ka use kaise karein?

Desktop Me Gmail Confidential Mode Ka Use Kaise Karein?

Agar aap Desktop user hain to gmail Confidential Mode ka use karne ke liye mere bataye huye Steps ko follow karein.

Sabse Pehle Compose par click karein. Compose par click karte hi mail box open ho jayega. Mail compose karne ke baad aapko chota sa icon milega jo ek lock aur combined clock jaisa dikhta hai. Ye Chota sa button aapko aapke dwara bheje gaye email ki pahunch ko control karne ki permission deta hai saath hi ye aapko batayega ki aapke dwara bheja gya email kitni der tak pahunch sakta hai.

Yanha maine Jo screenshot share ki hai wo aap dekh sakte hain. Yanha saaf taur se likha hai jisko aap email bhej rahe hain wo to isko forward kar sakta hai na hi print kar sakta hai na hi isme copy paste ho sakta hai.

Yanha aapko Require Passcode ka bhi option dikh jayega.  Agar aap passcode lagana chahte hain to send karne se pehle aapko  recipients ka Mobile number dena hota hai.

jisa ki yanha aap dekh rahe hain maine apne ek email se dusre email par Confidential email bheja hai janha passcode ke liye maine apna hi ek number diya hua hai. Mail open karne ke baad aapse passcode ke liye request bhejenge aur wo aapke mobile par aa jayega. Passcode daalne ke baad hi ye mail open kar payenge.

Mobile User Gmail Confidential Mode ka use kaise karein?

Agar aap apne phone me Gmail app ka use karte hain to Confidential mode ka use kaise aaiye uske baare me bhi jaan lete hain. Yanha bhi aapko mail compose karna hai. Uske baad aapko top corner par three dots show honge janha aapke click karne ke baad confidential mode dikh jayega. Yanha bhi aapko same process hi karna hai.

Yanha bhi aap sms passcode laga sakte hain aur mail bhej sakte hain. Yanha main aapko Bata ki mail ki expiry aap 1 day, 1 Week , 1 month , 3 Months se lekar 5 Years tak ki daal sakte hain. Yanhi ki abhi aap apne hisab se time ko customize nahi kar sakte hai. Aapko expiry isi me se choose karni hogi.

Gmail Confidential Mail Bhejne Se Pehle Kuch Baaton Ka Khyal Rakhein?

Gmail ka confidential mode wakai me bahut accha feature hai ye to aapne dekh liya ab mail bhejne se pehele kuch jaruri baaton ka khyal rakhein. Jaise ki aapne dekha aap mail ki expiry apne hisab se change nahi kar sakte to mail bhejne se pehle sahi Expiry time ka choose karein.

Agar aap mail me passcode ka use kar rahe hain to receiver ka number confirm kar lein. Aisa na ho ki jo number aapne daala hai wo aapke receiver ke paas ush time active na ho, jishki wajah se wo ish mail ko nahi dekh payega.

Waise to confidential mail puri trah se secure hai koi copy paste ya print nahi ho sakta lekin agar aapka receiver chahe to bheje gaye mail ki screenshot le sakta hai jo ab harek phone me available hai to in baaton ka dhyaan rakh kar hi confidential mail bhejein.

Ye Bhi Padhein

GMAIL SE UNWANTED EMAIL KAISE UNSUBSCRIBE KAREIN?

GMAIL INBOX KA BACKUP OTHER GMAIL ACCOUNT ME KAISE LEIN?

GOOGLE I/O 2018 KEYNOTES AND HIGHLIGHTS IN HINDI

Aapka Gmail Confidential mode ka experience kaisa raha hume comment me jarur batayein. Aise hi latest tech nes aur tech tips padhne ke liye humare blog ko subscribe karein. Dhanyawaad!