Abhi haal hi me aapne dekha ki Facebook Data Leak ka mamle me globally bahut hi halla macha. Yanha tak apne desh me bhi Facebook data leak se judi khabrein bahut viral huie. Facebook se  aapka data leak kaise hua aur kya wajah hai? Saath hi ish post me aapko bateyenge ki aap facebook par apne personal information ko kaise save kar sakte hain. Yanha hum aapko aise hi kuch security features ki jaankari dene wale hain jissey aapka personal data  Facebook par access nai kiya jaa sake.

Kya Hai Facebook Data Leak Ka Pura Mamla

Facebook par duniya bhar me kai countries ke users ka millions of data chori hua, Jiski baat facebook ne bhi accept ki. Facebook ne india me 5.62 lakh logon ka data leak hua. Philipins, Indonesia, America sahit kai jaghon par facebook users ka data leak hua jisme india 7th number par hai.

Aisa bataya jaa raha hai ki india me karib 335 logon ke thisisyourdigitallife.globally naam ka ek app use kiya tha jis wajah 5.62 lakh bhartiyon ke data chori ho gaye. Kehne ka matlab unke profile me jo connected they wo bhi ish lapete me aa gaye.

Filhaal to ye app abhi inactive hai. Lekin aisi aashanka hai ki isi ke jariye Cambridge analytica jo ki ek data mining company hai. Usne iska use kiya tha.  Yeh app facebook par 2013-2015 ke dauraan active tha. Isme facebook users se uski personality se jude kuch sawal puche jaate they. Isme jab users ish app ko apni facebook profile ki information ke liye Authorize karta tha to ye uunke friends ke bhi information ko access kar leta tha.

Global Science Research ke founder Alexsandar Cogan ne ish app ko develop kiya tha. Global Science Research ne hi Data Mining Company Cambridge Analytica ko ye data diye they. Iske baad 2016 me america me cambridge analaytica ne users ki pasand ke aadhar par unhein election me prbhawit karne ka kaam kiya.

Facebook ka anumaan hai ki duniya bhar me 8.7 Crore facebook users data leak se prbhawit huye hain. Halanki cambridge analytica ka dawa hai ki usne 3 crore logon ka data hasil kiya tha, jisey ab khatam kar diya gaya hai.

Facebook Data Leak: Apne Personal Information Ko Kaise Save Karein?

Facebook ka data leak hone ki wajah se facebook ko bahut nuksaan uthana pada.  Twitter par hastag #DeleteFacebook trend karne laga. Facebook ki shares bhi girne lage. Facebook ke C.E.O Mark jukerburg ko bhi iske liye maafi mangni padi.

Waise facebook ka securtiy features bahut hi jabardast hai. Bina aapki permission ke koi bhi aapka data chori nahi kar sakta. Agar facebook se aapka data leak hota hai- To isme facebook ki jimmedari to banti hi hai, par kuch galti aapki bhi hai.

Jab bhi aap facebook par koi game ya app access karte hain, Wo aapke account ke  personal data ko access karne ki maang karta hai. Aur usey access bhi aap hi dete hain. Fir wo app ya game companies aapke personal data tak apni pahunch bana leti hai.

Yanha hum aapko batane jaa rahe hain, ki aap kaise check karenge ki aap kaun se aap ko use kar rahein. Ya aisa koi app ya game jo trusted nahi hai usko kaise hatayenge.

#1. Sabse Pehle apna facebook account Login kijiye.

#2. Yanha aapko Facebook ka Setting Page Open karna hai.

#3. Facebook Setting Page open hone ke baad aapke aapko “Apps and Websites” me jana hai. Yanha aapko wo sabhi site aur apps available honge jo aapki Facebook Id se access huye hain.

#4. Yanha aapke dwara access ki gai sabhi websites aur apps ki list open ho gai hai. Jaisa ki yanha aap dekh rahe hain maine apne facebook Profile se 247 Apps aur websites ko login kiya hua hai.

#5. Ab aap kisi bhi App ya websites ke tick kijiye wanha edit ka ek option show hota hai. Aap edit kar dekh sakte hain ki ye aap aapki information ko kish hadd ta acess kar raha hai. Jaisa ki aap yanha dekh rahe hain ki Meaww Quiz naam se ek app hai, Ho sakta hai maine pehle kabhi usko use kiya ho. Ye app meri Public profile, Friend list, Timeline posts, Photos aur Email address ko access kar raha hai.

Aap  yanha chahein to in permission ke aage blue tick par click karke save button press kar dein. Aap jin permission ke liye allow karnege ye app usi ko access kar sakega.

1. Agar aapko lagta hai ye app ya website aapke trusted nahi hai to aap simply ish list me un apps ya website ko tick kar lein aur sabse upar Remove Button ka option show ho raha hai. Usko remove kar dein.

Remove ke samay aapse pucha jaata hai ki ish app ke behalf par aapke timeline par jo post ki gai hai aap chahein to tick karke un sabhi ko delete kar sakte hain.

Bus Ho gaya aap ish trah se un sabhi apps ya websites ko remove kar sakte hain jo ki trusted nahi hain. Ya aap edit karke unke unke access ke permission ko limited kar sakte hain.

Mera manna hai ki Facebook ya koi social networking site par aapne data ko safe aur secure kar ke rakhna us social media site ki jimmedari to hai hi saath hi aapke data ko save karke rakhna aapki bhi jimmedari hai. Ish trah se aap facebook par apne data ko safe and secure kar sakte hain.

Yaad rakhiye bina aapki permission ke koi bhi aapka data chori nahi kar sakta. Agar aap aise kisi untrusted Website ya apps ka use facebook se login ke liye karte to aisa na karein.

Ye Bhi Padhein:

Aadhar Virtual ID Online Kaise Generate Kaise Karein?

Digital Training Hub From Facebook : Free Digital Marketing Course

Go Live On Twitter- Twitter Par Live Video Kaise Banayein?

Agar aapko Facebook par apna data secure karne me koi problem aa rahi to hume comment me batayein? Saath hi post ko share kijiye taaki aapke friends ya family ke log bhi ish trah se data ko secure rakh sakein.