Unique Identification Authority of India (UIDAI) ne jo 12 digits ke unique identity number ke saath aadhar card ko jaari karta hai, Ishne naagrikon ke biometric details ko safe karne ka ek naya tarika pesh kiya hai. Jaisa ki aap jaante hain aadhar number ko aapke Bank, Pan, Social Securities ke saath kai services ko access karne ke liye anivarya kar diya gaya hai. Ab in sabhi services ko use karne ke liye aapko 12 digit ka aadhar permanent aadhar number dene ki jarurat nahi hai. Ab aadhar authentication ke liye aap temporary 16 digit ka Aadhar Virtual ID de sakte hain. Aadhar Virtual Id kya hai? Kaise Aadhar Virtual id banaye ye janne ke liye post ko pura padhein.

Jaisa  ki hum dekh rahe hain india me lagbhag sabhi services private se lekar government tak hume apna aadhar number dena padta hai. Aur aaj aapka aadhar bank se lekar pan tak se link hai. Jisme aapke Biometric se lekar aur bhi data hain. Jish wajah se aadhar ke misuse aur  privacy ka khatra bhi badh gaya hai. Isliye aadhar virtual Id ki suruaat ki jaa rahi hai.

Kya Hai Aadhar Virual ID (VID)?

Virtual Id aadhar number ki trah hi number ka ek group hoga. Aadhar Number janha 12 Digits ka hota hai wanhi, Virtual Id 16 digits ki hogi. Aadhar Virtual Id 16 digit ki aisi id hogi jisme user ke Biometrics ke saath Naam, Photo, Address ke saath limited details honge jo kisi bhi aadhar authentication ke liye paryaapt honge.

Aadhar Virtual ID (VID) ka use kaise karein?

UIDAI ke mutabik Aadhar VID ek temporary, revocable 16-digit random number hoga jo aadhar number ke saath mapped hoga. UIDIA ne ek bayan me kaha “VID ka last digit Aadhar number ke rup me check hoga jiske liye ‘Verhoeff Algorithm‘ ka use kiya hai. Verhoeff algorithm ek checksum formula hai jisa use error detection ke liye hota hai isey developed kiya dutch ke mathematician Jacobus Verhoeff ne.

VID temporary hone ki wajah se agencies isey dubara use me nai sakengi. VID ki validity bhi ek limited period tak ke liye hi hogi. UIDAI 1 march 2018 se Aadhar VID ko accept karna shuru kar dega. 1 June 2108 se sabhi agencies ke liye anivarya hoga jo apne users se virtual ID ko accept karega.

Aadhar Virtual ID Kaise Generate Karein?

Virtual Id ko aap unlimited times generate kar sakenge. Ye ID sirf kuch time ke liye hi valid hogi. Issey ish id ka galat use hone ki aashanka na ke brabar hogi.

Virtual Id ko aap khud generate kar sakenge. Iske liye aapko UIDAI ki website par jaana hoga. Filhaal Yanha abhi isko update nahi kiya gaya hai. Lekin bahut hi jald VID ka option update kar diya jayega.

UIDAI sabhi agencies ko do categories me devide kar degi. Isme ek Local aur dusre me hogi Global agencies. Inme sirf Global agencies ko aadhar number ke saath E KYC ki access hogi. Wanhi dusri traf local agencies ko limited KYC ki facility milegi.

To overall baat sirf itni hai ki aadhar ke durpyog ko rokne ke liye ye sab kadam uthaye jaa rahe hain. Wise aap chahein to Aadhar ka Biometric Lock Kar sakte hain.

Ye Bhi Padhein:

Aadhar Biometric Lock Online :- Aadhar Ki Biometric Data Ko Lock/Unlock Karein

IRCTC Account Ko Aadhar Se Link Kaise Karein

Aadhar Authentication Ki History Kaise Check Karein

Post Ko Share Kijiye Dhanayawaad!